बुटवल कोरोना अस्पतालमा मृत्यु भएका बाबुरामको शव चार दिनदेखि अस्पतालमै
<p>बुटवल । बुटवलको धागो कारखानामा रहेको कोरोना अस्पतालको आइसोलेसनमा उपचारका क्रममा मृत्यु भएका बाबुराम थापाको शव चार दिन भइसक्दासम्म परिवारले बुझेका छैनन्।</p>
<p>कोरोना भाइरस संक्रमणको आशंकामा भर्ना गरिएका थापाको १६ चैतमा मृत्यु भएको थियो।<br />
<br />
थापाको शव अहिले लुम्बिनी प्रादेशिक अस्पतालमा राखिएको छ ।</p>
<p>अस्पतालका कोरोना सम्पर्क व्यक्ति डा. सुर्दशन थापाले बाबुरामको मृत्यु निमोनियाले भएको रिपोर्ट आएको जानकारी दिए।</p>
<p>उनका अनुसार शव बुझ्नका लागि परिवारलाई खबर गरिएको छ।</p>
<p>सरकारले मृत्युको यथार्थ रिपोर्ट र क्षतिपूति दिनुपर्ने माग राख्द परिवारले बाबुरामको शव बुझेका छैनन्।</p>
<p>मृतक थापाकी पत्नी रिताले अस्पतालसम्म हिड्दै पुगेका आफ्ना पतिसँग भोलिपल्टसम्म फोनमा कुराकानी भएको तर चिकित्सकले अर्को दिन मृत्यु भयो भन्नु अस्पतालको लापरबाही भएको आरोप लगाइन्।</p>
<p>पाल्पा रिब्दिकोट गाउँपालिका-६ मा स्थायी घर भएका थापाको परिवार सैनामैना नगरपालिका-४ सिसौडाँडामा डेरा गरेर बस्दै आएका थिए।</p>
<p>६ चैतमा दुवईबाट नेपाल आएका उनलाई हल्का ज्वरो देखिएको थियो । थापा १३ चैतमा अटो रिक्सामा लुम्बिनी प्रादेशिक अस्पताल गएका थिए।</p>
<p>त्यहाँबाट उनलाई आइसोलेसनमा राखेर उपचारको लागि बुटवलको धागो कारखानामा रहेको अस्थायी कोरोना अस्पताल पठाइएको थियो।</p>
<p><strong>पढ्नुहोस्:</strong></p>
<p><a href="https://dekhapadhi.com/news/9468#" target="_blank"><strong>बुटवलमा आइसोलेसनमै बिरामीको मृत्यु भएपछि उब्जिएका प्रश्न</strong></a></p>
प्रतिक्रिया दिनुहोस्
.jpg)
