लकडाउन अटेर गर्दै बाहिर निस्केका २१९ जनाको सवारीसाधनलाई कारबाही गरियो
<p>काठमाडौं। उपत्यकाको विभिन्‍न स्थानबाट लकडाउन उल्लंघन गर्ने २१९ सवारीसाधन नियन्त्रणमा लिइएको छ।</p>
<p>ट्राफिक प्रहरी महाशाखाका अनुसार आज बिहान ९ बजेसम्म ती सवारीसाधन नियन्त्रणमा लिइएको हो।</p>
<p>नियन्त्रणमा लिइएका सवारीसाधनहरूमा २०० वटा दुई पांग्रे र १९ वटा चार पांग्रे सवारी छन्।</p>
<p>११ चैतदेखि एक साताको लागि घोषणा गरिएको लकडाउन सरकारले पुन: २५ चैत राति १२ बजेसम्म लागू हुने गरी लम्ब्याएको छ।</p>
<p>कोरोना भाइरस संक्रमणको जोखिमप्रति सावधानि अपनाउँदै नागरिकलाई घरभित्रै सुरक्षित रूपमा बस्न अनुरोध गरिएको छ।</p>
<p>तर, लकडाउनको अटेर गरेर कामबिना बाहिर निस्किनेलाई प्रहरीले पक्राउ गर्नुका साथे सवारीसाधन नियन्त्रणमा लिँदै आएको छ।</p>
प्रतिक्रिया दिनुहोस्
.jpg)
