भोजपुरको आमचोक गाउँपालिकामा लकडाउन अवधिभर प्रवेश निषेध
<p>भोजपुर। कोभिड-१९ को जोखिम नियन्त्रणका लागि आमचोक गाउँपालिकाले बाहिरबाट आएका व्यक्तिहरूलाई गाउँपालिका प्रवेशमा रोक लगाएको छ।</p>
<p>लकडाउन अवधिभर गाउँपालिका छिर्ने मुख्य नाकाहरूमा पहरा दिएर आवतजावत बन्द गरिएको गाउँपालिका प्रमुख अशोक राईले जानकारी दिए।</p>
<p>गाउँपालिकास्तरीय समन्वय समितिले तराईबाट आमचोक प्रवेश गर्ने मुख्य नाकाहरु रानिटार,हैखराङ, बयाङमा स्वास्थ्यकर्मी र सुरक्षाकर्मीसहितको हेल्थ डेस्क राखेको छ।</p>
<p>गाउँपालिकाको केन्द्र बालांखामा १५ बेडको क्वारेन्टाइन स्थापना गरिएको गरिएको राईले बताए।</p>
<p>गाउँपालिकाभरिका नौ वटा स्वास्थ्य चौकी, वडा कार्यालय र जमघट हुने ठाउँहरूमा साबुनपानी र स्यानिटाइजरको व्यवस्था मिलाइएको छ।</p>
प्रतिक्रिया दिनुहोस्
.jpg)
