प्रदेश १ : कोभिड-१९ परीक्षण गरिएका ४६ मध्ये ३० जनाको रिपोर्ट नेगेटिभ, १६ जनाको परीक्षण हुँदै
<p>विराटनगर। कोरोना भाइरस संक्रमणको आशंका गरिएका प्रदेश १ का ४६ मध्ये ३० जनाको रिपोर्ट आएको छ।</p>
<p>बाँकी १६ जनाको रिपोर्ट परीक्षणकै क्रममा रहेको सामाजिक विकास मन्त्रालयका प्रवक्ता डा.सुरेश मेहताले जानकारी दिए।</p>
<p>नमूना संकलन गरिएकामा १० जना महिला छन्।</p>
<p>परीक्षण सकिएका ३० वटै नमूनाको रिपोर्ट नेगेटिभ देखिएको छ।</p>
<p>हिजो, १८ चैतसम्म झापाबाट ५ जना, मोरङबाट ७ जना, सुनसरीबाट २५ जना, धनकुटाबाट १ जना, तेह्रथुमबाट २ जना , सोलुखुम्वुबाट २ जना, उदयपुरबाट १ जना र पाँचथरबाट ३ जनाको नमुना संकलन गरी परीक्षणको लागि प्रयोगशालामा पठाइएको थियो।</p>
<p>१६ चैतबाट धरानस्थित बिपी कोइराला स्वास्थ्य विज्ञान प्रतिष्ठानबाटै कोभिड-१९ को परीक्षण थालिएको छ।</p>
प्रतिक्रिया दिनुहोस्
.jpg)
