अझै भेटिएनन् ग्यास सिलिन्डर बोकाएर सडकमै बस्न लगाउने प्रहरी
<p>काठमाडौं। १६ चैत साँझ सामाजिक संजालमा एउटा तस्वीर भाइरल बन्यो।</p>
<p>तस्वीरमा खाना पकाउने एलपी ग्यासको सिलिण्डर बोकेका एक व्यक्ति सडकमा थचक्क बसेका देखिन्छन्।</p>
<p>उनी हेलमेट लगाएकै छन् र छेउमा उनको मोटरसाइकल रोकिएको छ।</p>
<p>बीच सडकमा सिलिन्डर बोकेर थचक्क बसेका उनलाई एक महिला प्रहरीले केही भन्दैछिन्।</p>
<p>यो तस्वीरलाई लिएर सामाजिक संजालमा प्रहरीको तीब्र आलोचना भएपछि भोलिपल्टै प्रहरी प्रधान कार्यालयले यसमा छानबिन शुरू गरिएको जानकारी दियो।</p>
<p>प्रहरी प्रधान कार्यालयले ट्वीटर र फेसबुकमार्फत् यो घटनालाई गम्भीरतासाथ लिएको पनि उल्लेख गरेको थियो।</p>
<p>तर, प्रहरीले अहिलेसम्म यो घटना कहाँ भएको थियो र ती प्रहरी को थिइन् भन्ने पहिचान गर्न सकेको छैन।</p>
<p>"हामीले अनेक कोणबाट यसलाई पत्ता लगाउने कोशिस गरिरहेका छौं", प्रहरी प्रधान कार्यालय स्रोतले भन्यो, "तर अहिलेसमम पत्ता लागिसकेको छैन।"</p>
प्रतिक्रिया दिनुहोस्
.jpg)
