खाँदबारी अस्पतालबाट अब भेन्टिलेटर सुविधासहितको सेवा
<p>खाँदबारी। संखुवासभामा निर्माणाधीन अरुण तेस्रो जलविद्युत परियोजनाले खाँदबारीस्थित जिल्ला अस्पताललाई नगदसहित करीब एक करोड पाँच लाख रूपैयाँ बराबरको स्वास्थ्य सामग्री सहयोग गरेको छ।</p>
<p>अस्पताललाई परियोजनाका प्रमुख कार्यकारी अधिकृत अरुण धिमानले दुई थान भेन्टिलेटर, तीन थान आइसीयू बेड, एक थान प्यासेन्ट मनिटर, तीन थान सक्सन उपकरण साथै चेक हस्तान्तरण गरेका छन्।</p>
<p><img alt="" height="720" src="https://www.dekhapadhi.com/storage/photos/shares/COVID-19/khadbari 1.jpg" width="960" /></p>
<p>पूर्वी पहाडी जिल्लाका अस्पतालमध्ये भेन्टिलेटरसहितको सुविधा भएको सम्भवत: यही पहिलो अस्पताल हुने अस्पताल प्रशासनले जनाएको छ।</p>
<p>हाल खाँदबारी अस्पतालको क्षमता ५० बेडको छ।</p>
<p>अस्पताल व्यवस्थापन समितिका अध्यक्ष सुमन शाक्यका अनुसार कोभिड-१९ का शंकास्पद बिरामीको उपचारको लागि ७ बेड आइसोलेसन छुट्याइएको छ।</p>
प्रतिक्रिया दिनुहोस्
.jpg)
