युरोपमा कोभिड-१९ बाट ३० हजारभन्दा बढीको मृत्यु
<p>काठमाडौं। कोरोना भाइरस महामारीका कारण युरोपेली मुलुकहरुमा मात्र ३० हजारभन्दा बढी मानिसको मृत्यु भएको छ।</p>
<p>सरकारी विवरणका आधारमा समाचार संस्था एएफपीले गरेको गणनामा दुई तिहाईभन्दा बढीको मृत्यु इटली र स्पेनमा भएको उल्लेख छ।</p>
<p>कोविड–१९ बाट युरोपमा चार लाख ५८ हजार ६०१ जना संक्रमित भएका र ३० हजार ६३ जनाको मृत्यु भएको देखिन्छ।</p>
<p>इटलीमा मात्र बाह्र हजार ४२८ जनाको ज्यान गएको छ। दोस्रो स्थानमा रहेको स्पेनमा ८ हजार १८९ जना र फ्रान्समा ३ हजार ५२३ जनाको मृत्यु भएको छ।</p>
<p>जोन हप्किन्स विश्वविद्यालयको गणनामा संयुक्तराज्य अमेरिकामा ४ हजार ७६ जनाको मृत्यु भइसकेको विवरण सार्वजनिक भएलगत्तै युरोपको विवरण बाहिर आएको हो ।</p>
प्रतिक्रिया दिनुहोस्
.jpg)
