Others

गृहपृष्ठ

र्‍यापिड टेष्ट किटबारे स्वास्थ्य मन्त्रालयका सल्लाहकार भन्छन्- ‘भ्रमपूर्ण समाचारको विश्वास नगरौँ’ काठमााडौं। स्वास्थ्य तथा जनसंख्या मन्त्रालयले कोरोना भाइरस (कोभिड-१९) जाँच्ने द्रुत परीक्षण किट (र्&zwj;यापिड टेष्ट किट) बारे आएका भ्रमपूर्ण समाचारको विश्वास नगर्न भनेको छ।  मन्त्रायलयका विज्ञ सल्लाहकार डा. खेमबहादुर कार्कीले आज एक विज्ञप्ति जारी गर्दै १८ चैतमा मन्त्रालयको नियमित पत्रकार सम्मेलनको क्रममा र्&zwj;यापिड टेष्ट किटबारे सार्वजनिक गरेको धारणालाई मन्त्रालयले खरिद गरेको र्&zwj;यापिड टेष्ट किटसँग जोडी विभिन्न सञ्चारमाध्यममा भ्रमपूर्ण समाचार आएको बताएका छन्।  उनले सरकारले खरिद गरेको किटको गुणस्तर जाँच्न नेपाल स्वास्थ्य अनुसन्धान परिषद्&zwnj;लाई अनुरोध गरिसकिएको र परिषद्ले प्रयोग गर्न योग्य भनी सिफारिस गरेपछि र सम्बन्धित निकायबाट प्रमाणित भइसकेपछि मात्र प्रयोगको लागि वितरण हुने स्पष्ट पारेका छन्। साथै, सरकारले चीनबाट खरिद गरी ल्याएको र्&zwj;यापिड टेष्ट किट चीन सरकारले प्रमाणित गरेको किट भएको उनको दाबी छ।  ‘सरकारले ल्याएको र्&zwj;यापिड टेष्ट किटको गुणस्तर निर्क्योल गरेपछि मात्रै प्रयोग हुन्छ। अनाधिकृत श्रोतबाट बजारमा वितरण तथा प्रयोग भइरहेको जनगुनासो आउने बित्तिकै यस्तो नगर्न आग्रह गरिएको हो’, विज्ञप्तिमा भनिएको छ।  नेपालमा महामारी फैलिहाले र एकैपटक हजारौं टेष्ट गर्नुपरेको अवस्थामा पीसीआर मेसिनले धान्न नसक्ने भएकोले र्&zwj;यापिड टेष्ट किट प्रयोग गरी स्क्रिनिङ्ग गर्ने र शंकास्पदहरूको पीसीआर प्रविधिबाटै जाँच गरी निर्क्यौल गर्ने अन्तर्राष्ट्रिय मान्यता अनुसार पूर्वतयारी गर्न खोजिएको उनले बताएका छन्।  ‘अहिले युरोप, अमेरिकाले पनि यही विधिमार्फत् नै परीक्षण गरिरहेका छन्। बजारमा अवैध ढंगले र्&zwj;यापिड किट भित्र्याई जनमासलाई भ्रममा पारी परीक्षण गर्न शुरू भइसकेको गुनासो आएपछि सरकारले यसलाई नियन्त्रण गर्न अनुमति नदिई र्&zwj;यापिड किटको प्रयोग नगर्न निर्देशन दिएको हो’, डा.कार्कीले भनेका छन्, ‘यो संकटको बेला सबैको साथ सहयोगको आवश्यकता छ। कुनैपनि समाचारलाई पुष्टि गरेर मात्र प्रकाशन/प्रसारण गरिदिन पनि हार्दिक अनुरोध छ।’