चीनबाट स्वास्थ्य सामग्री ल्याउन ओम्नी समूहसँग गरेको सम्झौता रद्द, पाँच करोड धरौटी जफत
<p>काठमाडौं। स्वास्थ्य सेवा विभागले कोभिड-१९ को रोकथाम तथा नियन्त्रणका लागि अत्यावश्यक स्वास्थ्य सामाग्री ल्याउन ओम्‍नी समूहसँग गरेको सम्झौता रद्द गरेको छ।</p>
<p>विभागका महानिर्देशक महेन्द्रप्रसाद श्रेष्ठले समयमा सामान ल्याउन सक्ने अवस्था नदेखिएपछि आज ओम्नी बिजनेस कर्पोरेट इन्टरनेसनल प्रालिसँगको सम्झौतासँगको सम्झौता रद्द गरिएको जानकारी दिए।</p>
<p>सम्झौता रद्द गरेको सो कम्पनीसँग लिएको ५ करोड धरौटी पनि जफत गरिएको बताए।</p>
<p>केही बेरअघि नियमित प्रेस ब्रिफिङमा स्वास्थ्य सेवा विभागका महानिर्देशक श्रेष्ठले आवश्यक थप सामग्री ल्याउन भोलिदेखि नै अर्को प्रक्रिया अघि बढाउने जानकारी दिए।</p>
<p>तीनदिनको समय दिएर प्रस्ताव आव्हान गरिने र अहिले सस्तोमा सामान ल्याउने भनेका सप्लार्यसलाई प्रस्तावना पेश गर्न उनले आग्रह गरे।</p>
<p>यसअघि सम्झौता गरेको कम्पनीले अहिलेसम्म १० प्रतिशत मात्रै सामान ल्याएको छ।</p>
<p>बाँकी सामान ५ अप्रिल भित्रमा ल्याइसक्ने सम्झौता गरेको कम्पनीले ल्याउन सक्ने नदेखिएपछि सम्झौता रद्द गरेको हो।</p>
<p> </p>
प्रतिक्रिया दिनुहोस्
.jpg)
