स्थानीय तहसँगको सहकार्यमा मजदुर परिवारलाई राहत बाँड्दै मारवाडी सेवा समिति
<p style="text-align:justify">काठमाडौं। स्थानीय तहसँगको सहकार्यमा मारवाडी सेवा समितिले काठमाडौं महानगरपालिकामा राहत वितरण शुरू गरेको छ। </p>
<p style="text-align:justify">महानगरका प्रत्येक वडासँगको सहकार्यमा ती सबै वडामा बस्दै आएका मजदुर परिवारलाई समितिले आजदेखि राहत वितरण शुरू गरेको हो। </p>
<p style="text-align:justify">१८ चैतमा उद्योग, वाणिज्य तथा आपूर्ति राज्यमन्त्री मोतीलाल दुगडसँगको भेटमा समितिले देशभर राहत वितरण गर्ने बताएको थियो।</p>
<p style="text-align:justify">पहिलो चरणमा उपत्यकाका मजदुरलाई र दोश्रो चरणमा उपत्यकाबाहिर रहेका मजदुरलाई राहत दिने समितिले बताएको छ।</p>
<p style="text-align:justify">समितिले राहतमा पाँच किलो चामल, दुई/दुई किलो चिउरा र आलु, आधा लिटर तेल, एक/एक किलो नुन र दाल, पाँच प्याकेट चाउचाउ वितरण गर्ने छ।</p>
<p style="text-align:justify">यस्तै दुई वटा साबुन, १०० ग्रामका तीन प्याकेट मसला र चार वटा मास्क वितरण गर्ने बताइएको छ।</p>
<p style="text-align:justify">राहत भरिया, घरमा काम गर्ने महिला, दैनिक ज्यालादरीमा काम गर्ने मजदुरको परिवारलाई दिइने समितिले जनाएको छ। </p>
.jpg)
