इन्टरनेट व्यवसायी भन्छन्- ‘सेवाग्राहीलाई २५ प्रतिशत छुट दिन सकिँदैन’
<p>काठमाडौं। इन्टरनेट सेवा प्रदायक कम्पनीले सेवाग्राहीलाई इन्टरनेट महशुलमा २५ प्रतिशत छुट दिन नसक्ने बताएका छन्।</p>
<p>१६ चैत बसेको मन्त्रिपरिषद्को बैठकले इन्टरनेट सेवा प्रदायक कम्पनीहरूसँग आफ्ना सेवाग्राहीलाई २५ प्रतिशत महशुल छुट दिन अनुरोध गरेको थियो।</p>
<p>मन्त्रिपरिषद्को निर्णयसँगै नेपाल दूरसञ्चार प्राधिकरणले सबै सेवा प्रदायकलाई छुट दिन निर्देशन दिए पनि सेवा प्रदायकले अस्वीकार गरेका हुन्।</p>
<p>लकडाउनको कारण आफैं समस्यामा रहेको बताउँदै इन्टरनेट सेवा प्रदायकहरूको संस्था (आइस्पान)ले छुट दिन नसक्ने जनाएकाे हाे।</p>
<p>आइस्पानका अध्यक्ष भोजराज भट्टका अनुसार सरकारले इन्टरनेट व्यवसायीलाई राहत दिए मात्र ग्राहकलाई छुट दिने निर्णय भएको छ।</p>
<p>लकडाउनको समयमा ब्याण्डविथको खपत बढेको अवस्थामा सरकारले कर छुट दिए मात्र ग्राहकलाई छुट दिन सक्ने आइस्पानले जनाएकाे छ।</p>
प्रतिक्रिया दिनुहोस्
.jpg)
