२५० यात्रु लिएर अस्ट्रेलिया गयो नेपाल एअरलाइन्सको जहाज
<p>काठमाडौं। २५० जना अस्ट्रेलियन नागरिक लिएर नेपाल एअरलाइन्सको जहाज अस्ट्रेलियाको व्रिसबेन प्रस्थान गरेको छ। नेपालस्थित अस्ट्रेलियन दूतावासले नेपालमा रहेको आफ्ना नागरिकहरू लैजानको लागि जहाज चार्टर्ड गरेको हो।</p>
<p>नेपाल एअरलाइन्सको वाइडबडी नाइन–एन एएलजेड जहाज आज साँझ ५ः३० बजे अस्ट्रेलिया तर्फ गएको हो।</p>
<p>उक्त जहाज मलेसियाको क्वालालम्पुरमा ट्रान्जिट भएर अस्ट्रेलियाको व्रिसबेन पुग्ने नेपाल वायुसेवा निगममा अपरेशन म्यानेजर दिपु जुहार्चनले देखापढीलाई बताए।</p>
<p>नेपालबाट सिधैं अस्ट्रेलियाको उडानमा लामो दूरी भएको र यात्रु पनि भरिभराउ भएकाले क्वालालम्पुरमा जहाज अवतरण गर्नेछ। त्यहाँ इन्धन भरेर उक्त जहाज ब्रिसबेनको लागि उड्ने छ।</p>
<p>त्रिभुवन अन्तर्राष्ट्रिय विमानस्थलबाट क्वालालम्पुर पुग्न चार घण्टा चालिस मिनेटको उडान समय लाग्छ। त्यहाँबाट अस्ट्रेलियाको व्रिसबेन पुग्न आठ घन्टाको निरन्तर उडान चाहिन्छ।</p>
<p>करीब चौविस घण्टाकाे निरन्तर उडान पछि नेपाल वायुसेवाको बाइड बडी ३३० नेपाल आइपुग्नेछ।</p>
<p>नेपाल एअरलाइन्सको जहाज यति लामो समयको उडान दूरीमा गएको यो पहिलो पटक हो। </p>
प्रतिक्रिया दिनुहोस्
.jpg)
