डिजेल र पेट्रोलको मूल्य प्रतिलिटर १० रूपैयाँ घट्यो
<p>काठमाडौं। नेपालमा इन्धन (डिजेल, पेट्रोल र मट्टितेल)को मूल्य प्रतिलिटर १० रूपैयाँले घटेको छ।</p>
<p>पछिल्लो समय अन्तर्रास्ट्रिय बजारमा निरन्तर गिरावट आएपछि नेपाल आयल निगमले प्रतिलिटर १० रूपैयाँको दरले मूल्य घटाएको हो।</p>
<p>यस्तै आन्तरिक हवाई उडानको इन्धन प्रतिलिटर १५ रूपैयाँले घटेको छ।</p>
<p>कोरोना भाइरस (कोभिड-१९) का कारण विश्वमा तेलको माग घटेपछि पछिलो समय मूल्य निरन्तर घट्दै आएको छ।</p>
<p>भारतले नेपाललाई प्रत्येक १५ दिनमा अन्तर्राष्ट्रिय इन्धनको मूल्य सूची पठाउँदै आएको छ। जसअनुसार आज १९ चैत (१ अप्रिल) मा मूल्य सूची पठएको छ।</p>
<p>भारतबाट सूची आएपछि निगमले आज राति १२ देखि लागू हुने गरी मूल्य घटाएको जानकारी दिएको छ।</p>
<p>मूल्य घटेपछि काठमाडौं उपत्यकामा पेट्रोलको बिक्री मूल्य ९६ रूपैयाँ प्रतिलिटर भएको छ।</p>
<p>त्यसैगरी, डिजेल र मट्टितेलको मूल्य प्रतिलिटर ८५ रूपैयाँ र आन्तरिक हवाई इन्धनको मूल्य ७५ रूपैयाँ कायम भएको छ।</p>
प्रतिक्रिया दिनुहोस्
.jpg)
