अमेरिकामा कोभिड-१९ बाट मृत्यु ४७ सय नाघ्यो
<p>वासिङ्टन। अमेरिकामा कोभिड-१९ बाट मृत्यु हुनेको संख्या चार हजार सात सय नाघेको छ। दुई लाखभन्दा बढी संक्रमणमा परिसकेका छन्।</p>
<p>जोन हकिन्स विश्‍वविद्यालयको ताजा आँकडाअनुसार दुई लाख १३ हजार जनामा संक्रमण पुष्‍टी भएको छ। संक्रमणको आधा हिस्सा न्युयोर्कका बासिन्दाको छ। न्युयोर्कका गभर्नरले अन्य राज्यहरूमा स्थिति भयावह हुन सक्ने बताएका छन्।</p>
<p>कोभिड-१९ का कारण विश्‍वमा सबैभन्दा बढी मृत्यु इटालीमा भएको छ, जहाँ हालसम्म १३ हजार एक सय ५५ जनाले ज्यान गुमाइसकेका छन्। एक लाख १० हजार पाँच सय जनामा संक्रमण पुष्‍टी भएको छ।</p>
<p>संक्रमितको संख्या बढ्दै जाँदा अमेरिकामा सुरक्षाका लागि आवश्‍यक मास्क, सेनिटाइजरलगायत मेडिकल सामग्रीको अभाव हुन थालेको छ। <em><strong>बीबीसी</strong></em></p>
प्रतिक्रिया दिनुहोस्
.jpg)
