चट्याङ लागेर धादिङ र रुकुमपश्चिममा २ को मृत्यु, १० जना घाइते
<p>धादिङ। उत्तरी धादिङको खनियाबास गाउँपालिका-२ गोरगङमा चट्याङ पर्दा एकजनाको मृत्यु भएको छ भने दुईजना घइते भएका छन्।</p>
<p>मृत्यु हुनेमा ४० वर्षीय रामसिंह तामाङ रहेका छन्।</p>
<p>घर अगाडि कुखुराको खोर बनाइरहेका बेला हिजो परेको चट्याङका कारण उनको मृत्यु भएको जिल्ला प्रहरी कार्यालयका प्रहरी नायब उपरीक्षक रुपक खड्काले जानकारी दिए।</p>
<p>चट्याङबाट खनियाबास गाउँपालिका-२ थलीका पार्वती तामाङ र मनकुमारी तामाङ घाइते भएका छन्।</p>
<p>त्यस्तै रुकुमपश्चिममा पनि चट्याङ लागेर त्रिवेणी गाउँपालिका-४ मा १३ वर्षीया निर्मला खत्रीको मृत्यु भएको छ।</p>
<p>हिजै, १९ चैत साँझ चट्याङ लागेर अन्य आठजना घाइते भएको जिल्ला प्रहरी कार्यालयका प्रहरी वरिष्ठ उपरीक्षक ठगबहादुर केसीले बताए।</p>
<p>चट्याङ लागेर २० वर्षीया श्रीमती अनिता विक गम्भीर घाइते भएकी छिन्। </p>
<p>घाइते अन्यमा ११ वर्षीया तुलसा खड्का, १७ वर्षीया सुशीला खड्का, २२ वर्षीया पवित्रा खड्का छन्।</p>
<p>५० वर्षीया धनमाया खड्का, ४ वर्षीय केशव खड्का, ६० वर्षीया सीता ओली र २८ वर्षीय कपिल खड्का पनि घाइते भएका छन्। </p>
<p>उनीहरूको स्वास्थ्यचौकी खुम्चेरीमा उपचार भइरहेको छ। <em>रासस</em></p>
प्रतिक्रिया दिनुहोस्
.jpg)
