कोभिड-१९ ले खोस्यो पप स्टार डुआ लिपाको लसभेगास सपना
<p> </p>
<p>लन्डन। कोभिड-१९ को कहर थिएन भने यसपटक पप स्टार डुआ लिपाले अमेरिकाको स्वप्न सिटी लसभेगासबाट आफ्ना नयाँ एल्बम सार्वजनिक गर्ने थिइन्। तर, कोभिड-१९ को प्रकोपले उनको लसभेगास सपना तुहाइदिएको छ।</p>
<p>र, लन्डनमै एक एयरबीएन्डबीबाट नयाँ एल्बम सार्वजनिक गर्दैछिन्।</p>
<p>कोरोना कहर शुरु हुनुअघि उनी अस्ट्रेलियाको सिड्नी पुगेकी थिइन्। त्यहाँबाट फर्केलगत्तै कोभिड-१९ बाट बच्‍न लन्डनमा पनि लकडाउन घोषणा भयो। उनी आफ्नो भाडाको घर अर्थात् एयरबीएन्डबीमा ब्वाइफ्रेन्डसँग बस्दै आएकी छन्। </p>
<p>र, त्यहींबाट नयाँ एल्बम सार्वजनिक गर्ने तयारीमा छिन्। उनको दोस्रो एल्बमको नाम जुरेको छ, ‘फ्युचर नोस्टाल्जिया’। अप्रिल पहिलो साता लसभेगासबाट उक्त एल्बम सार्वजनिक गर्ने तयारीमा थिइन्, उनी।</p>
<p>लेडी गागा, साम स्मिथ र हायमलगायत गायक-गायिकाले भने आ-आफ्ना एल्बम सार्वजनिक गर्ने तिथि पर सारेका छन्। गायिका डुआले भने जोखिम मोलेरै भए पनि आफ्ना प्रशंसकलाई निराश नबनाउने निर्णय लिइन्। </p>
<p>र, युट्युब लाइभ स्ट्रिमिङमार्फत एल्बम सार्वजनिक गर्दै छिन्।</p>
प्रतिक्रिया दिनुहोस्
.jpg)
