लकडाउन प्रभाव: झापामा रगत अभाव
<p>झापा। लकडाउनका कारण रक्तादान नहुँदा झापामा रगतको अभाव भएको छ।</p>
<p>रगत अभावका कारण बिरामीमा असर परेपछि नेपाल रेडक्रस सोसाइटी झापाले स्वेच्छिक रक्तदान गर्न आव्हान गरेको छ।</p>
<p>रेडक्रसका झापा अध्यक्ष लोकराज ढकालले तत्काल रक्तदान अभियान नचलाउने हो भने जिल्लामा रगतको हाहाकार हुनसक्ने बताए।</p>
<p>अस्पतालको ओपिडी सेवा बन्द भए पनि सुत्केरी, डायलासिस र आकस्मिक शल्यक्रियाका लागि रगतको माग उच्च छ ।</p>
<p>विर्तामोड ब्लडबैंकबाट बीएण्डसी अस्पताल, विर्तासिटी अस्पताल, कनकाई अस्पताल, कंचनजंघा अस्पताल, सञ्जीवनी अस्पताल, मनमोहन सामुदायिकलगायत ठूला अस्पतालमा रगतको आपूर्ति हुँदै आएको छ।</p>
<p>विर्तामोड ब्लडबैंकमा १२ पिन्ट मात्र रगत मौज्दात छ। <em>रासस</em></p>
प्रतिक्रिया दिनुहोस्
.jpg)
