सीमा क्षेत्रमा अलपत्र नागरिकलाई स्वदेश फर्काउन माग गरिएको रिटमा सर्वोच्चले दियो कारण देखाउ आदेश
<p>काठमाडौं। महाकाली नदी पारि अलपत्र नागरिकलाई घर फर्किन दिनुपर्ने माग राख्दै दायर रिटमा सुनुवाइ गर्दै सर्वोच्च अदालतले कारण देखाउ आदेश दिएको छ।</p>
<p>१९ चैतमा अधिवक्ताहरू मनिषकुमार श्रेष्ठ, रामदत्त ओझा, मनिराम उपाध्याय, देवीकुमारी जोशी, दिपकराज जोशी र किर्तिनाथ शर्माले सर्वोच्च अदालतमा सरकारका नाममा अन्तरीम आदेश जारी गर्न माग राखेर <a href="https://dekhapadhi.com/news/9605" target="_blank">रिट दायर </a>गरेका थिए। </p>
<p>सर्वोच्च अदालतले पहिलो सुनुवाइमै अन्तरिम आदेश भने दिएन। न्यायाधीश हरिकृष्ण कार्कीको एकल इजालासले निवेदकको माग बमोजिम आदेश जारी हुनुनपर्ने कुनै कारण भए १५ दिनभित्र पेश गर्न आदेश दिएको हो।</p>
<p>यसअघि उस्तै विषयको अर्को रिट पनि सर्वोच्च अदालतमा विचाराधीन रहेको र उक्त रिटको सुनुवाइको मिति २४ चैतमा तोकिएकोमा यो रिटलाई पनि सही दिन साथै राखेर सुनुवाइ गर्ने अदालतले आदेश दिएको छ।</p>
<p>‘निवेदनको संवेदनशीलतालाई मध्यनजर गरी दुवै पक्षलाई छलफलमा राखी अन्तरिम आदेशबारे निर्णय गर्न उपयुक्त हुने देखिएको’ भन्दै सर्वोच्चले दुवै पक्षलाई २४ चैतमा छलफलका लागि झिकाएको हो। </p>
<p><br />
</p>
प्रतिक्रिया दिनुहोस्
.jpg)
