नेपालमा थप एक जनामा कोरोना भाइरस संक्रमण, संक्रमितको संख्या ६ पुग्यो
<p>काठमाडौं। नेपालमा थप एक जनामा कोरोना भाइरसको संक्रमण देखिएको छ।</p>
<p>स्वास्थ्य मन्त्रालयले आज गरेको नियमित प्रेस व्रिफिङमा कोरोना भाइरस संक्रमणका एक जना नयाँ बिरामी फेला परेको जानकारी दिइएको हो। </p>
<p>स‌ंक्रमित छैटाै‌ं व्यक्ति ४ चैतमा कतार एअरवेजको उडान नम्बर क्यूआर ६५२ बाट नेपाल आएका थिए।</p>
<p>यसअघि उक्त जहाजमा आएका दुई जनामा कोरोना भाइरसको संक्रमण भेटिएको थियो।</p>
<p>स‌ंक्रमित छैटाै‌ं व्यक्तिको विस्तृत विवरण आउन बाँकी छ।</p>
<p>आज राष्ट्रिय जनस्वास्थ्य प्रयोगशाला टेकुमा गरिएको परीक्षणका क्रममा ती व्यक्तिमा कोरोना भाइरस पोजिटिभ देखिएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले बताए।</p>
<p>“अहिले यी व्यक्तिको विस्तृत जानकारी आइसकेको छैन”, उनले नियमित पत्रकार सम्मेलनमा भने, “हाम्रो टोलीले यी संक्रमित व्यक्तिसँगको कन्ट्याक्ट ट्रेसिङको काम थालिसकेको छ।”</p>
<p>यसअघि कोरोना भाइरसको संक्रमण देखिएका पहिलो व्यक्ति भने निको भएर घर फर्किसकेका छन्। बाँकी चार जनाको उपचार चलिरहेको छ। </p>
प्रतिक्रिया दिनुहोस्
.jpg)
