कोभिड-१९ को प्रकोपलाई विश्वयुद्धको संज्ञा
<p>वासिङ्टन। अमेरिकाको सेन्टर फर डिजिज कन्ट्रोल (सीडीसी) का पूर्व प्रमुख टोम फ्राइडेनले कोभिड-१९ विरुद्धको लडाईंलाई विश्‍वयुद्धको संज्ञा दिएका छन्। उनी पूर्वराष्‍ट्रपति बाराक ओबामाको कार्यकालमा सीडीसी प्रमुख थिए।</p>
<p>‘कोरोना भाइरस संक्रमणविरुद्ध सबै मुलुक एक हुनु जरुरी छ,’ उनले भने, ‘हरेक देश आफ्नो क्षमता र कमजोरीका साथ यस युद्धमा डटेका छन्। स्वास्थ्य सेवा, समाज, समुदाय, सरकार र सार्वजनिक हितलाई मध्यनजर गर्दै यस संकटबाट पार पाउने प्रयासमा सबै देश लागेका छन्।’</p>
<p>विश्‍वभर कोरोना भाइरसबाट संक्रमित संख्या १० लाख नाघिसकेको छ भने करिब ५२ हजार जनाले ज्यान गुमाइसकेका छन्।</p>
<p>संक्रमितको संख्या अमेरिकामा सबैभन्दा बढी भएको बीबीसीले जनाएको छ।</p>
प्रतिक्रिया दिनुहोस्
.jpg)
