डेढ लाख डलरका अत्यावश्यक सामग्री पठाउँदै एनआरएनए कोरिया
<p>काठमाडौं। गैरआवासीय नेपाली संघ (एनआरएनए) कोरियाले कोभिड-१९ को जोखिम न्यूनीकरणका लागि अत्यावश्यक सामग्री नेपाल पठाउने भएको छ। </p>
<p>ती सामग्री २३ चैतमा काठमाडौं आइपुग्‍ने संस्थाले जनाएको छ। नेपाल पठाइन लागेका आठ प्रकारका सामग्रीको मूल्य करिब एक लाख ५० हजार अमेरिकी डलर छ।</p>
<p>नेपाल आउँदै गरेका सामानमा गाउन पीपीई सेट दुई हजार, एन-९५ मास्क १० हजार र सर्जिकल मास्क २० हजार गोटा छन्।</p>
<p>यस्तै, गगल्स दुई हजार, प्रोटेक्टिङ भाइजर दुई हजार, पञ्‍जा १० हजार, आईआर थर्मोमिटर पाँच सय र कोरोना परीक्षण किट चार हजार थान पठाइँदै गरेको संस्थाले जनाएको छ।</p>
<p>तीमध्ये कोरोना परीक्षण किट कोरियन एयरलाइन्सको उडानबाट सीधा काठमाडौं पठाइने र बाँकी सामग्री चीनको ग्वान्जाओस्थित नेपाली महावाणिज्य दूतावासलाई हस्तान्तरण गरिने एनआरएनए कोरियाले जानकारी दिएको छ।</p>
प्रतिक्रिया दिनुहोस्
.jpg)
