कैलालीमा अत्यावश्यक सेवाका पसलहरू पनि बन्द गरिँदै, घुम्ती पसलबाट घरमै सामान पुर्याइने
<p>कैलाली। कोभिड-१९ फैलिन नदिन लकडाउन चलिरहेका बेला कैलाली प्रशासनले आजदेखि थप कडाई गर्ने भएको छ।</p>
<p>प्रहरीले लकडाउन शुरू भएयता लकडाउनको उल्लंघन गरी कामबिना बाहिर निस्कने ८०० मोटरसाइकल नियन्त्रणमा लिईसकेको छ।</p>
<p>सवारी पासहरू दिन रोकिएकोमा आजदेखि जनप्रतिनिधि र व्यवसायीसँग छलफल गरेर मासु तथा खाद्यान्न पसलहरु समेत बन्द गर्ने तयारी गरेको छ।</p>
<p>धनगढी उपमहानगरपालिकाको अगुवाईमा धनगढीमा रहेका पसलहरु पूर्ण रुपमा बन्द गर्दै अत्यावश्यकीय सामानहरु घुम्ती पसल मार्फत घरघरमा पुर्‍याउने तयारी भईरहेको कैलालीका प्रमुख जिल्ला यज्ञराज बोहराले जानकारी दिए।</p>
<p>सामान खरीदका लागि भन्दै साँझ बजारमा मान्छेहरु निस्किने क्रम बढेकोले पसलहरु पूर्ण रुपमा बन्द गर्ने तयारीमा पुगेको धनगढी उपमहानगरपालिकाका मेयर नृप बहादुर वडले बताए।</p>
<p>उनले कोरोना भाइरसको संक्रमणबाट जोगिन लकडाउनलाई प्रभावकारी बनाउनुबाहेक अर्को कुनै विकल्प नरहेकोले अत्यावश्कीय पसलहरु पनि बन्द गर्ने निर्णयमा पुगेको बताए।</p>
<p>"केही न केही बहाना बनाएर मान्छेहरु बाहिर निस्किने क्रम रोकिएन। खल्तीमा दुई ट्याब्लेट औषधि हालेर अस्पताल गएको भन्नेहरु पनि भेटिए । औषधी पसलमा पनि सर्वसाधारणलाई आउन रोक लगाउदैछौँ", वडले भने, "कसैलाई औषधि आवश्यक परे घरमै उपलब्ध गराउने व्यवस्था गर्छौ । तर घरबाहिर निस्किन दिँदैनौ।"</p>
<p>घुम्ती पसल कहाँ-कहाँ कसरी संचालन गर्ने भन्ने बारे आजै छलफल गरेर अरु अत्यावश्यक सेवाका पसलहरू पनि बन्द गर्ने तयारी भइरहेको छ।</p>
प्रतिक्रिया दिनुहोस्
.jpg)
