कोभिड-१९ कोषमा इन्सेकको १० लाख चार हजार ६५४ रूपैयाँ सहयोग
<p>काठमाडौं। मानवअधिकारको क्षेत्रमा काम गर्दै आएको संस्था अनौपचारिक क्षेत्र सेवा केन्द्र (इन्सेक) ले सरकारले स्थापना गरेको कोभिड-१९ कोषमा १० लाख चार हजार ६५४ रूपैयाँ सहयोग गर्ने भएको छ।</p>
<p>इन्सेककी अध्यक्ष डा. इन्दिरा श्रेष्‍ठले विज्ञप्ति जारी गर्दै इन्सेकमा कार्यरत् पूर्णकालीन कर्मचारी, ७७ जिल्लामा कार्यरत् जिल्ला प्रतिनिधि तथा विभिन्न परियोजनामा कार्यरत् कर्मचारीहरूको सात दिनको तलबवापतको रकम उक्त कोषमा जम्मा गर्ने निर्णय गरेको जानकारी गराएकी छिन्।</p>
<p>विज्ञप्तिमा यो सहयोगले कोरोना भाइरस संक्रमणको रोकथाम गर्न सरकारले गरेको प्रयासमा यो सहयोगले केही सघाउ पुग्‍ने अपेक्षा गरिएको उल्लेख छ।</p>
प्रतिक्रिया दिनुहोस्
.jpg)
