कोभिड-१९: सिंगापुर पनि एक महीनालाई ‘शटडाउन’मा
<p>काठमाडौं। सिंगापुरका प्रधानमन्त्री ली एच लुंगले एक महीना लामो शटडाउन घोषणा गरेका छन्।</p>
<p>कोभिड९१९ बाट विश्वमा दिनप्रतिदिन संक्रमित र मृतकको संख्या बढ्दै जाँदा त्यसको विस्तार रोक्न भन्दै शटडाउन घोषणा गरिएको हो। </p>
<p>२५ चैतदेखि लागू हुने गरी घोषणा गरिएको शटडाउनमा अत्यावश्यकीय सेवा क्षेत्र र प्रमुख आर्थिक क्षेत्रबाहेकका अन्य कार्यालयहरू बन्द हुनेछन्। </p>
<p>कोभिड-१९ बाट सिंगापुरमा हालसम्म एक हजार ११४ जना संक्रमित भएका छन्। पाँच जनाको मृत्यु भइसकेको छ भने २६६ जना उपचारपछि निको भएका छन्।</p>
<p>पछिल्लो २४ घण्टामा एक जनाको मृत्यु भएको थियो भने ६५ जना नयाँ संक्रमित थपिएका थिए। संक्रमितमध्ये २४ जनाको अवस्था गम्भीर रहेको बताइएको छ। <br />
</p>
प्रतिक्रिया दिनुहोस्
.jpg)
