स्वास्थ्य मन्त्रालयले भन्यो- ‘पोखरामा गरिएकाे काेभिड-१९ परीक्षणमा कुनै पनि रिपाेर्ट पोजिटिभ आएकाे छैन’
<p>काठमाडौं। स्वास्थ्य तथा जनसंख्या मन्त्रालयले पोखरा स्वास्थ्य विज्ञान प्रतिष्ठानमा गरिएको परीक्षणमा कुनै पनि रिपाेर्ट काेभिड-१९ पोजिटिभ नदेखिएको प्रष्ट पारेको छ।</p>
<p>नियमित पत्रकार सम्मेलनमा मन्त्रालयका प्रवक्ता डा. विकास देवकोटाले भने, “पाेखरामा अहिलेसम्म कुनै केश पोजिटिभ देखिएकाे छैन।”</p>
<p>उनले मेसिनकाे भ्यालिडेसन गर्ने क्रममा त्यो मेसिन र रिएजेन्टहरू हेर्दा केही नमूना पुनः परीक्षण गर्नुपर्ने बताए। “त्यो भनेको हाम्रो निर्णय र हाम्रो परीक्षणको नतिजा पूरा कन्फर्म होस् भन्नका लागि हो”, उनले भने, “यो सधैँभरि गर्नुपर्दैन केही समयका लागि थप नमूना लिन्छौं। यो सबै भइसकेपछि कन्फर्म भइन्छ। अनि रिजल्ट हामीले प्रकाशित गर्छौं।” </p>
<p>उनले आजसम्म राष्ट्रिय जनस्वास्थ्य प्रयोगशालामा एकहजार २७७ नमूना परीक्षण गरिएको बताए। अहिले दैनिक १०० भन्दा बढी नमूना परीक्षण भइरहेको छ।</p>
<p>उपत्यकाबाहिर अहिलेसम्म धरान, पोखरा, हेटौंडा, जनकपुर, सुर्खेत र धनगढीमा परीक्षण शुरू भइसकेको छ। बुटवलमा जडानको काम भइरहेको मन्त्रालयले जनाएको छ।</p>
<p>परीक्षण शुरू भएपछि धरानमा ३९, जनकपुरमा पाँच, हेटौंडामा पाँच, पोखरामा १९, सुर्खेतमा सात र धनगढीमा चारवटा नमूना परीक्षण गरिएको छ।</p>
<p>त्यस्तै प्रवक्ता देवकोटाले कैलाली र कञ्चनपुरका ९२ जनाको नमूना संकलन गरिएको र ती नमूना परीक्षणका क्रममा रहेको बताए। मन्त्रालयका अनुसार आजसम्म उपत्यकामा १५ र बाहिर ११५ गरेर १२० जना बिरामी आइसोलेसनमा छन्।</p>
<p>काेराेना भाइरस संक्रमित छैटौं व्यक्तिकाे कन्ट्याक्ट ट्रेसिङ गर्ने काममा स्वास्थ्यकर्मीहरूको टीमले शुरू गरिसकेको मन्त्रालयले जनाएको छ। आइसोलेसनमा रहेका पाँचवटै संक्रमितको स्वास्थ्य अवस्था सामान्य रहेको मन्त्रालयकाे भनाइ छ।</p>
प्रतिक्रिया दिनुहोस्
.jpg)
