 copy feature.jpg)
आजदेखि कालिमाटी तरकारी बजारमा खुद्रा व्यापार बन्द
<p>काठमाडौं। आजदेखि कालिमाटी फलफूल तथा तरकारी बजारमा खुद्रा व्यापार बन्द हुने भएको छ।</p>
<p>कोरोना भाइरस संक्रमण (कोभिड-१९) बढ्न नदिन बजारमा खुद्रा व्यापार बन्द गर्न लागिएको हो।</p>
<p>विश्‍वव्यापी महामारी नेपालमा फैलिन नदिन यस्तो निर्णय लिइएको कालिमाटी फलफूल तथा तरकारी बजार विकास समितिले जानकारी दिएको छ। समितिका अनुसार अब लकडाउन अवधिभर खुद्रा व्यापार पूर्ण रूपमा बन्द रहनेछ।</p>
<p>यस्तै, बजारमा भोलिदेखि पैदल यात्री र फुटकर उपभोक्ताको प्रवेशमा पनि रोक लगाइएको छ।</p>
<p>समितिको निर्णयअनुसार थोक बिक्रीका लागि ल्याइएका बोरा र क्रेट प्याकेजलाई नखोली जस्ताको तस्तै बिक्री गर्नुपर्ने छ।</p>
<p>त्यसैगरी, तरकारी बजारमा २२ चैतदेखि दुइपांग्रे सवारी साधनलाइ प्रवेश गर्न नदिने तथा बजारको पछाडितर्फ रहेको टंकेश्‍वर तर्फको गेट पूर्ण रूपमा बन्द गरिने बताइएको छ।</p>
प्रतिक्रिया दिनुहोस्
.jpg)
