विभूषण सुशोभन समारोह स्थगित
<p>काठमाडौं। १ वैशाख ०७७ मा राष्‍ट्रिय जीवनमा विशिष्‍ट योगदान पुर्‍याउने विभिन्न क्षेत्रका व्यक्तिहरूलाई विभूषण प्रदान गर्न तय गरिएको कार्यक्रम स्थगित भएको छ। </p>
<p>विभूषण समितिको बैठकले अहिलेलाई उक्त समारोह स्थगित गर्ने निर्णय गरेको हो। </p>
<p>राष्‍ट्रपतिबाट संविधान दिवसको अवसरमा विशिष्‍ट योगदान पुर्‍याउनेलाई विभूषण प्रदान गर्ने घोषणा भएको थियो। </p>
<p>राष्‍ट्रपतिको कार्यालयमा आयोजना गर्ने भनी तय भएको कार्यक्रम अहिले विश्‍वभरी महामारीको रूपमा फैलिरहेको कोरोना भाइरस (कोभिड-१९) का कारण स्थगित गरिएको गृह सचिव एवं विभूषण समितिका सदस्य-सचिव महेश्‍वर न्यौपानेले विज्ञप्तिमार्फत जानकारी दिएका छन्।</p>
<p>उक्त कार्यक्रम पछि उपयुक्त समयमा गर्नेसमेत जानकारी दिइएको छ।</p>
प्रतिक्रिया दिनुहोस्
.jpg)
