आज भेटिएका तीन नयाँ कोरोना भाइरस संक्रमितको स्वास्थ्य अवस्था सामान्य
<p>कैेलाली। कैलाली र कञ्चनपुरमा भेटिएका तीन नयाँ कोरोना भाइरस संक्रमितको उपचार सेती प्रादेशिक अस्पतालमा भइरहेको छ।</p>
<p>नयाँ भेटिएका कोरोना भाइरसका संक्रमितको अवस्था सामान्य रहेको सेती प्रादेशिक अस्पतालका डा. जगदीश जोशीले बताए।</p>
<p>आज एकै दिन तीनजनामा कोरोना भाइरस पोजिटिभ देखिएको जनाइएको छ। धनगढीका पहिलो काेराेना भाइरस संक्रमित ३४ वर्षीया युवककी भाउजू, भारतको मुम्बईबाट फर्किएका २१ वर्षीय पुरुष र उत्तराखण्डबाट फर्किएका कञ्चनपुरका ४१ वर्षीय पुरुषमा कोरोना भाइरसकाे संक्रमण भेटिएको हो।</p>
<p>दुईजनाको पुरूषकाे नमूना क्वारेन्टाइनबाट र महिलाको नमूना सेती अस्पतालबाट सङ्कलन गरिएको डा. जोशीले जानकारी दिए।</p>
<p>योसँगै सुदूरपश्चिममा काेभिड-१९ संक्रमितको संख्या चार पुगेको छ।</p>
प्रतिक्रिया दिनुहोस्
.jpg)
