धनगढीमा दुईजना संक्रमित परिवारका सातजनाको कोभिड-१९ रिपोर्ट नेगेटिभ आयो
<p>कैलाली। धनगढीका एउटै परिवारका दुई जना कोरोना संक्रमित भेटिए पनि अन्य सात सदस्यको रिपोर्ट भने नेगेटिभ आएको छ।</p>
<p>दुबईबाट आएका धनगढी उपमहानगरपालिका-५ का ३४ बर्षिय युवकका १० जना परिवारका सदस्यको १९ गते नमूना संकलन गरिएको थियो। १० जनामा सात जनाको नेगेटिभ, एक जनाको पोजेटिभ र बाँकी दुई जनाको रिपोर्ट आउँन बाँकी रहेको सेती प्रादेशिक अस्पतालका आकस्मिक विभाग प्रमुख डाक्टर जगदिश जोशीले बताए।</p>
<p>उनले दुई जनाको रिपोर्ट प्राप्त नभएको बताउदै संक्रमित युवकका एक जना परिवारका सदस्यमा कोरोना पोजेटिभ देखिएपछि फेरि अन्यको पनि परीक्षण गर्ने वा नगर्ने भन्ने विषयमा टुङगो लागि नसकेको पनि बताए ।</p>
<p><br />
</p>
प्रतिक्रिया दिनुहोस्
.jpg)
