कंचनपुरमा बाहिरबाट आएकालाई अनिवार्य लकडाउनमा कडाइ
<p>कंचनपुर। भारतबाट घर फर्किएका बेदकोट नगरपालिकाका ४१ वर्षीय पुरुषमा कोभिड-१९ को पुष्‍टि भएपछि कंचनपुरमा क्वारेन्टाइनलाई अझ कडा गरिने भएको छ।</p>
<p>बाहिरबाट आएका अनिवार्य क्वारेन्टाइनमा बस्नुपर्ने भए पनि अझै कतिले त्यसको हेलचेक्रयाँई गरेको ठहर गर्दै सबै संयन्त्र परिचालन गरेर क्वारेन्टाइनलाई कडाइ गर्ने निर्णय गरिएको कंचनपुरका प्रमुख जिल्ला अधिकारी नुरहरी खतिवडाले बताए।</p>
<p>भारतलगायत विदेशबाट आएकाहरूको अझ निहीन खोजी गरी उनीहरू अनिवार्य क्वारेन्टाइनमा बसे नबसेको निगरानी गरिने भएको हो।</p>
<p>त्यसको लागि स्थानीय तह र सुरक्षाकर्मीको युनिटहरूसँग समन्वय बढाइने छ।</p>
<p>खतिवडाका अनुसार कोरोनाको त्रास शुरू भएसँगै नेपाल-भारत सीमाको कंचनपुर नाका हुँदै एक लाखको हाराहारीमा नेपालीहरू घर फर्किएका छन्।</p>
<p>लकडाउनको समयमा नाका बन्द भएपछि सीमामा अलपत्र परेका हजारौं नेपाली अनिवार्य क्वारेन्टाइनमा बस्नुपर्ने शर्तमा घर फर्काइएको थियो। तर, यो शर्त पूर्ण पालना हुन नसकेको प्रशासनको ठहर छ।</p>
<p>उनीहरूमध्ये कतिपय सिन्धुली, सिरहाका वासिन्दासमेत छन्।</p>
<p>त्यस्तै लकडाउको समयमा आवागमनलाई पुरै बन्द गरिने छ।</p>
<p>"सावधानी र सतर्क बन्न जुनसुकै निर्णय पनि गर्न बाध्य हुनेछौँ। त्यो कठोरजस्तो देखिने किन नहोस्। जनताकै स्वास्थ्य सुरक्षाक लागि हो", सीडीओले भने।</p>
प्रतिक्रिया दिनुहोस्
.jpg)
