धुलिखेल अस्पतालमा कोभिड-१९ परीक्षण शुरू
<p>काभ्रेपलाञ्‍चोक। धुलिखेल अस्पतालमा आजदेखि कोभिड-१९ को परीक्षण शुरू गरिएको छ।</p>
<p>पहिलो चरणमा साताको दुई दिन मात्रै शंकास्पद व्यक्तहरूको नमूना परीक्षण गरिने अस्पतालले जनाएको छ।</p>
<p>आवश्यकताको आधारमा परीक्षणको अवधि थपिने अस्पतालका चिकित्सक डा. राजेन्द्र कोजूले बताए।</p>
<p>“पर्याप्त पीपीई, परीक्षण किटलगायतका सामग्री व्यवस्थापन गर्दै जाने भएकाले हाललाई हप्ताको दुई दिनमात्रै परीक्षणको समयावधि तोकिएको हो”, उनले भने।</p>
<p>बागमती प्रदेश सरकारले कोरोना भाइरस संक्रमणको परीक्षण तथा उपचारका लागि धुलिखेल नगरपालिकामार्फत् अस्पताललाई २० लाख रूपैयाँ दिएको छ।</p>
<p>प्रदेशस्थित सामाजिक विकास मन्त्रालयले उक्त रकम नगरपालिकाको खातामा पठाइसकेको जिल्ला स्वास्थ्य कार्यालय प्रमुख डा. नरेन्द्र झाले बताए।</p>
<p>उनका अनुसार धुलिखेल अस्पतामा कोभिड-१९ को नमूना परीक्षण शुरु भएपछि सिन्धुपाल्चोक, दोलखा, रामेछाप, सिन्धुली तथा भक्तपुरका नागरिकलाई सहज हुनेछ।</p>
<p>यसअघि राजधानी तथा आसपासका जिल्लाका नागरिकको काठमाडौंको टेकूस्थित शुक्रराज सरुवा रोग अस्पतालमा परीक्षण गरिँदै आइएको थियो। <em>रासस</em></p>
प्रतिक्रिया दिनुहोस्
.jpg)
