इटालीमा कोभिड-१९ बाट १५ हजारको मृत्युपछि आशाको किरण
<p>इटाली। कोरोना भाइरसको संक्रमण (कोभिड-१९)बाट १५ हजार तीन सय ६२ जनाको मृत्युपछि आशाको नयाँ किरण देखिएको छ।</p>
<p>शुक्रबारको तुलनामा शनिबार संक्रमितको संख्या कम देखिएको छ। शुक्रबार गम्भीर प्रकृतिका बिरामी चार हजार ६८ जना रहेकामा शनिबार घटेर तीन हजार नौ सय ९४ जना देखिएका छन्।</p>
<p>बीबीसीका अनुसार पहिलो पटक बिरामीको संख्या थोरै भए पनि घटेको स्वास्थ्य अधिकारीहरूले जनाएका छन्।</p>
<p>कोभिड-१९ बाट सबैभन्दा बढी मृत्यु इटालीमै भएको छ। शनिबार पनि मृतक संख्या भने ६ सय ८१ छ।</p>
<p>सिभिल प्रोटेक्सन डिभिजन प्रमुख एन्जेलो बोर्रेलीको भनाइमा गम्भीर प्रकृतिका बिरामी कम हुँदै जाँदा अस्पतालहरूमा चाप पनि घट्दै जानेछ। नयाँ सक्रमितको संख्या पनि घट्दो क्रममा देखिएको उनको भनाइ छ।</p>
प्रतिक्रिया दिनुहोस्
.jpg)
