Others

गृहपृष्ठ

कोभिड-१९ को उच्च जोखिममा युरोपका नेपाली पोर्चुगल। विश्&zwj;वभर महामारीको रूप लिइरहेको कोरोना भाइरसको प्रत्यक्ष प्रभावका कारण युरोपमा रहेका नेपालीहरू उच्च जोखिममा छन्। इटाली, स्पेन, फ्रान्स, बेलायत, पोर्चुगललगायत युरोपेली मुलुकमा कोरोना भाइरसको संक्रमण बढ्दो क्रममा छ। युरोपमा रहेका धेरै नेपाली रोजगारविहीन भएका छन् भने दैनिकी कष्&zwj;टकर बन्दै गएको छ। कोरोना संक्रमणका कारण युरोपमा मात्रै ४० हजारभन्दा बढीले ज्यान गुमाइसकेका छन्। लाखौँ मानिस प्रभावित भएका छन्। यसको महामारीबाट विश्&zwj;वमै सबैभन्दा बढी मानवीय क्षति युरोपमा भएको छ। पछिल्लो समय बढी संक्रमण अमेरिकामा देखिएको छ।  विश्&zwj;व स्वास्थ्य संगठनको तथ्यांकअनुसार विश्&zwj;वभरका २०८ मुलुकमा कोरोना भाइरसको संक्रमण फैलिएको छ। हालसम्म विश्&zwj;वभर १२ लाख एक हजार ९६४ संक्रमित भएको र ६४ हजार ७२७ को ज्यान गएको वर्ल्डोमिटरको तथ्यांकले देखाएको छ। तीमध्ये दुई लाख ४६ हजार ६३८ उपचारपछि घर फर्केका छन्। पछिल्लो तथ्यांकअनुसार कोरोना भाइरसका कारण सबैभन्दा बढी इटालीका नागरिकको ज्यान गएको छ। इटालीमा कोरोनाको संक्रमण र मृत्युदर भयावह देखिए पनि त्यहाँ रहेका नेपाली भने सुरक्षित नै रहेको गैरआवासीय नेपाली संघ इटालीका अध्यक्ष देव गुरुङले बताए। उनका अनुसार इटालीमा १५ सयको हाराहारीमा नेपालीको बसोबास छ। “यहाँको अवस्था हेर्दा नेपालीहरूको अवस्था चिन्ताजनक नै छ, तर आत्तिइहाल्नुपर्ने अवस्था भने छैन,” गुरुङले भने ।  गैरआवासीय नेपाली स&zwnj;ंघका युरोप क्षेत्रीय संयोजक नारायण आचार्यले कोरोनाका कारण सिंगो युरोप नै संकटमा गुज्रिरहेकाले नेपाली पनि उच्च जोखिममा रहेको बताए। कोरोना संक्रमणको गति यही स्थितिमा बढिरहे युरोपमा रहेका नेपालीहरूमा थप संकट निम्तिन सक्ने खतरा रहेको उनले बताए।  आचार्यका अनुसार कोरोनाबाट आइपर्न सक्ने सम्भावित संकटलाई मध्यनजर गरेर युरोपमा रहेका नेपालीहरूको राहत र उद्धारका लागि ५० हजार युरो बराबरको आपतकालीन कोष स्थापना गर्ने निर्णय भएको छ। कोरोनाबाट प्रभावित नेपालीहरूको तथ्यांक संकलन गरेर समस्यामा परेका नेपालीहरूलाई उक्त कोषबाट राहत प्रदान गरिने उनले बताए। इटालीपछि कोराना संक्रमणका कारण सबैभन्दा बढीले ज्यान गुमाएको अर्को युरोपेली देश हो, स्पेन। कोरोनाका कारण स्पेनमा ११ हजार ९४७ को ज्यान गएको छ भने एक लाख २६ हजार १६८ मा संक्रमण भएको छ। तीमध्ये ३४ हजार २१९ उपचारपछि घर फर्केका छन्। स्पेनमा रहेका लोकगायक राजेन्द्र लम्सालले त्यहाँको अवस्था निकै दर्दनाक रहेको बताए। “घरभित्रै बसेको धेरै दिन भइसक्यो, अत्यावश्&zwj;यक कामबाहेक घरबाहिर निस्किएका छैनौँ, सर्वत्र कोरोनाको त्रास छ। कतिबेला के हुने हो, केही थाहा छैन,” उनले भने। उनका अनुसार उद्योगधन्दा, कलकारखाना, सार्वजनिक यातायात, शहर बजार, होटेल रेस्टुराँ, व्यावसायिक प्रतिष्&zwj;ठानहरू ठप्प हुँदा दैनिकी कष्&zwj;टकर बन्दै गएको छ। स्पेनमा करिब १० हजार नेपाली छन् । स्पेनमा हालसम्म सात नेपालीलाई कोरोना संक्रमणको पुष्&zwj;टि भएको गैरआवासीय नेपाली संघ स्पेनका अध्यक्ष दिनेश गुरुङले जानकारी दिए। संक्रमित नेपालीको त्यहाँस्थित अस्पतालमा उपचार भइरहेको उनले बताए। तीमध्ये एक जना नेपाली उपचारपछि घर फर्किएका छन्।  कोरोना भाइरसबाट तेस्रो बढी प्रभावित बनेको अर्को युरोपेली मुलुक हो, फ्रान्स। त्यहाँ कोरोनाका कारण सात हजार ५६० को मृत्यु भइसकेको छ भने ८९ हजार ९५३ मा संक्रमण पुष्&zwj;टि भएको छ। तीमध्ये १५ हजार ४३८ स्वास्थ्यलाभ गरेर घर फर्केका छन्। गत सातादेखि फ्रान्समा पनि मृत्युदर र संक्रमण दर बढ्दै गएको छ।  फ्रान्समा रहेका नेपाली पनि त्रासमा रहेको पेरिसमा रहेका स्याङ्जाका विष्&zwj;णुबहादुर सारुले बताए । “घरभित्रै बसेको तीन साताभन्दा बढी भयो, बजार पूरै ठप्प छ,” उनले भने, “अत्यावश्&zwj;यक कामका लागि स्वीकृति लिएर मात्रै बाहिर जान पाइन्छ। अन्यथा जरिवाना र जेलसम्मको सजाय हुन्छ।”  फ्रान्समा करिब पाँच हजार नेपाली रहेको दूतावासको अनुमान छ। हालसम्म त्यहाँ रहेका नेपाली सुरक्षित रहेको फ्रान्सका लागि नेपाली राजदूत दीपक अधिकारीले बताए।  त्यस्तै जर्मनीमा हालसम्म ९६ हजार ९२ मा कोरोनाको संक्रमण देखा परेको छ भने एक हजार ४४४ को मृत्यु भइसकेको छ। तीमध्ये २६ हजार ४०० उपचारपछि घर फर्केका छन्। त्यस्तै बेल्जियममा पनि एक हजार २८३ को मृत्यु भइसकेको छ भने १८ हजार ४३१ मा संक्रमण भएको पुष्&zwj;टि भएको छ। तीन हजार २४७ स्वास्थ्यलाभ गरेर घर फर्केका छन्।   युरोपमै सबैभन्दा बढी नेपालीहरूको बसोबास रहेको बेलायतमा ४१ हजार ९०३ मा कोरोनाको संक्रमण देखा परेको छ। त्यहाँ चार हजार ३१३ ले ज्यान गुमाएका छन्। ती मध्ये १३५ जना उपचारपछि घर फर्केका छन्। बेलायतमा हालसम्म आठ नेपालीलाई कोरोना संक्रमणको पुष्&zwj;टि भएको लण्डनस्थित नेपाली दूतावासले जनाएको छ। तीमध्ये दुई नेपालीको ज्यान गएको दूतावासका उपनियोग प्रमुख शरदराज आरणले बताए । उनका अनुसार हाल दुई नेपालीको उपचार भइरहेको छ भने चार जना उपचारपछि घर फर्किसकेका छन्। अन्य १० नेपाली कोरोनाको आशंकामा क्&zwj;वारेन्टाइनमा रहेको उनले जानकारी दिए। बेलायतपछि सबैभन्दा बढी नेपालीको बसोबास रहेको मुलुक पोर्चुगलमा दश हजार ५२४ मा कोरोनाको संक्रमण पुष्&zwj;टि भएको छ। पोर्चुगलमा हालसम्म २६६ जनाले ज्यान गुमाइसकेका छन्। पोर्चुगलमा तीन नेपालीमा कोरोना संक्रमणको आधिकारिक पुष्&zwj;टि भएको लिस्बनका लागि नेपाली अवैतनिक वाणिज्यदूत मकरबहादुर हमालले जानकारी दिए। उनका अनुसार संक्रमित नेपालीको अस्पतालमा उपचार भइरहेको छ। बेल्जियममा एक नेपालीलाई कोराना संक्रमण पुष्&zwj;टि भएको त्यहाँस्थित नेपाली राजदूत लोकबहादुर थापाले जानकारी दिए। राजदूत थापाका अनुसार बेल्जियममा नौ हजारको हारहारीमा नेपाली छन्। रासस