Others

गृहपृष्ठ

रसुवागढी नाका खोल्ने विषयमा गाउँपालिका अध्यक्ष र वडाध्यक्षको मत बाझियो काठमाडौं। संघीय सरकारले उत्तरतर्फका व्यापारिक नाका खोल्ने निर्णय गरेको १२औं दिन बित्दा पनि रसुवागढी सञ्&zwj;चालनमा आउन सकेको छैन। सरकारले लकडाउनको समयमा नाका खोल्ने निर्णय गरेको बताउँदै स्थानीय तहले विरोध गरेपछि नाका सञ्&zwj;चालनमा अन्योल देखिएको हो। संघीय सरकार नाका सञ्&zwj;चालनमा ल्याउने कसरतमा छ। नाकासँग सिमाना जोडिएका गोसाइँकुण्ड गाउँपालिका भने वडालाई नै पूर्ण रूपमा सिल गर्ने तयारीमा लागेको छ। गोसाइकुण्ड गाउँपालिकाका-२ का वडाध्यक्ष दावा दिण्डुप तामाङले अबको एक-दुई दिनमै नाकासँग सीमा जोडिएका वडालाई पूर्ण रूपमा सिल गर्ने तयारीमा रहेको देखापढीलाई बताए। “मन्त्रिपरिषदको निर्णयले एक स्थानीय तहदेखि अर्को स्थानीय तहमा जानेलाई पनि कडाई गर्ने निर्णय गरेको छ,” उनले भने, “त्यही निर्णयलाई आधार मानेर सम्भवत: भोलिदेखि वडालाई पूर्ण सिल गर्छौ।” उनका अनुसार रसुवागढीसँग सिमाना जोडिएका १, २, ३, ५ र ६ नम्बर वडा भोलिदेखि पूर्ण रूपमा सिल  हुने छन्। सोही विषयमा छलफल गर्न वडाध्यक्ष र प्रमुख जिल्ला अधिकारीबीच आज छलफल जारी छ। “उक्त छलफलबाट निस्केको निर्णयअनुसार वडालाई नै सिल गर्ने तयारीमा छौं,” वडाध्यक्ष तामाङले भने, “भन्सार नाका खोल्दा व्यापारी, भन्सार र बैंकका कर्मचारी वडामा आउँछन्।” त्यसरी बाहिरी मान्छे वडामा आउँदा संक्रमण फैलिन सक्ने सम्भावना रहेको बताउँदै वडाका बासिन्दाले अध्यक्ष तामाङलाई कुनै पनि हालतमा नाका नखोल्न भनेका छन्। स्थानीय बासिन्दाको भनाइलाई मान्दै आफूले नाका सञ्&zwj;चालन गर्न नदिने निर्णय गरेको तामाङको भनाइ छ। तर, नाकाबाट औषधी र खाद्यान्&zwj;नका सामग्री मात्रै आयात गर्ने भए नाका सञ्&zwj;चालन गर्न तयार रहेको उनले बताए। लकडाउनको समयमा चीनतर्फ रोकिएका स्याउ, लसुन र लत्ताकपडा कुनै पनि हालतमा नेपाल ल्याउन नदिने बताए। तर, गोसाइकुण्ड गाउँपालिका अध्यक्ष कैसाङ नुर्पू तामाङ भने अबको केही दिनमा नाका सञ्&zwj;चालनमा आउने बताउँछन्। केही दिनअघि वडाध्यक्षसँग छलफल गरेको बताउँदै त्यही आधारमा अबको केही दिनमा नाका सञ्&zwj;चालनमा आउने उनले बताए। “प्रमुख जिल्ला अधिकारी र सबै वडाका अध्यक्षबीच हामीले छलफल गरेका छौं। उक्त छलफलबाट आवश्यक सुरक्षाको मापदण्ड अपनाएर सामग्री ल्याउन दिने निर्णय भएको छ,” उनले भने ।