उद्याेग वाणिज्य महासंघले बाँड्यो ४० हजार किलो चामल र पाँच हजार किलो दाल
<p>काठमाडौं। नेपाल उद्योग वाणिज्य महासंघले दैनिक ज्यालादारी गरेर छाक टार्ने परिवारलाई राहत वितरण गरेको छ।</p>
<p>लकडाउनको समयमा खाद्यान्न अभाव भई श्रमिकका परिवार भोकै बस्न नपरोस् भनेर आज महासंघले खाद्यान्न वितरण गरेको हो।</p>
<p>उद्योग, वाणिज्य तथा आपूर्ति मन्त्री लेखराज भट्टको उपस्थितिमा महासंघकी अध्यक्ष भवानी राणाले विपन्न परिवारलाई राहत वितरण गरेकी हुन्।</p>
<p>नेपाल विज्ञापन संघको कार्यालय मीनभवनमा बाँडिएको खाद्यान्न मन्त्री भट्ट र अध्यक्ष राणाले संयुक्तरूपमा हस्तान्तरण गरे।</p>
<p>महासंघले ४० हजार किलो चामल र पाँच हजार किलो दाल वितरण गरेको हो।</p>
प्रतिक्रिया दिनुहोस्
.jpg)
