भारतमा कोभिड-१९ बाट ज्यान गुमाउनेको संख्या १०० नाघ्यो
<p>काठमाडौं। दक्षिण एशियामा कोभिड-१९ महामारीको सबैभन्दा बढी प्रभाव भारतमा देखिएको छ। आज दिउँसोसम्ममा १०२ जनाको ज्यान गइसकेको छ। तीन हजार ५८८ जना संक्रमित भएका छन्।</p>
<p>भारतमा कोभिड-१९ को महामारीसम्बन्धी जानकारी दिने बेवसाइट <a href="https://www.covid19india.org" target="_blank">कोभिड १९ इन्डिया डट ओआरजी</a>का अनुसार आज, २२ चैतमा थप तीन जनाको ज्यान गएपिछ मृतकको संख्या १०२ पुगेको हो। </p>
<p>यद्यपी यो सरकारी वेबसाइट भने होइन। भारतको स्वास्थ्य मन्त्रालयले ७७ जनाको मात्रै मृत्यु भएको जानकारी आफ्नो <a href="https://www.mohfw.gov.in" target="_blank">वेबसाइट</a>मा राखेको छ।</p>
<p>कोभिड-१९ सम्बन्धी विश्वव्यापी जानकारी समेटेको अर्को वेबसाइट <a href="https://www.worldometers.info/coronavirus/#countries" target="_blank">वर्ल्डोमिटर</a>ले पनि भारतमा ९९ जनाको ज्यान गइसकेको जनाएको छ।</p>
<p>केही अघिसम्म कोभिड-१९ इन्डिया डट ओआरजीसँग वर्ल्डोमिटरको तथ्यांक मिल्न आएको छ। दुवै साइटमा ९९ जनाको मृत्यु देखाइएकोमा कोभिड १९ इन्डिया डट ओआरजीले थप तीन जनाको मृत्यु भएको अपडेट गरेको हो। </p>
<p>उता भारतीय दैनिक पत्रिका <em>द हिन्दू</em>ले आफ्नो <a href="https://www.thehindu.com/data/article31254725.ece/inline/" target="_blank">अनलाईन संस्करण</a>मा भारतमा ११० जनाको मृत्यु भइसकेको रिपोर्ट छापेको छ। </p>
<p>भारतमा कोभिड-१९ को महामारी बढ्न थालेपछि सरकारले १२ चैतदेखि तीन साताका लागि लकडाउन घोषणा गरेको छ। <br />
</p>
प्रतिक्रिया दिनुहोस्
.jpg)
