कैलाली र कञ्चनपुरका ५९४ को कोभिड-१९ परीक्षण हुने
<p style="text-align:justify">काठमाडौं। कैलाली र कञ्चनपुरमा रहेका ५९४ जनाको कोभिड–१९ परीक्षण हुने भएको छ।</p>
<p style="text-align:justify">कैलालीमा तीन र कञ्चनपुरमा एक जनामा <a href="https://www.dekhapadhi.com/news/9796" target="_blank"><span style="color:#c0392b">कोभिड–१९ देखिएपछि</span></a> क्वारेन्टाइनमा रहेकाहरूको र्‍यापीड टेस्ट गर्न लागिएको हो।</p>
<p style="text-align:justify">त्यसका लागि स्वास्थ्यकर्मीहरूको <a href="https://www.dekhapadhi.com/news/9879" target="_blank"><span style="color:#c0392b">टोली आजै</span></a> काठमाडौंबाट त्यसतर्फ प्रस्थान गर्नेछ। </p>
<p style="text-align:justify">कैलालीमा एक व्यक्तिबाट अर्को व्यक्तिमा कोरोना भाइरसको संक्रमण सरेको पुष्टि भएको थियो।</p>
<p style="text-align:justify">योसँगै संक्रमितका परिवार, सम्पर्कमा रहेका व्यक्ति र क्वारेन्टाइनमा रहेकाहरूको नमूना परीक्षण गर्न लागिएको हो।</p>
<p style="text-align:justify">कैलालीमा भारतबाट आएका थप एक जना र कञ्चनपुरमा पनि भारतबाटै आएका एक जनामा कोभिड–१९ देखिएको थियो। </p>
<p style="text-align:justify">र्‍यापीड टेस्ट गरिएकाहरूमा कोरोना भाइरसको संक्रमण पोजिटिभ देखिएमा पुनः पीसीआर प्रविधिबाट परीक्षण गरिनेछ।</p>
<p style="text-align:justify">स्थानीय प्रशासनका अनुसार कैलालीमा ४५१ जना क्वारेन्टाइनमा छन्। यसमा ७१ महिला र ३८० पुरुष छन्।</p>
<p style="text-align:justify">कञ्चनपुरमा ६ महिला र १३७ पुरुष गरी १४३ जना क्वारेन्टाइनमा छन्। </p>
<p style="text-align:justify">सुदूरपश्चिमभरीमा दुई हजार ३८३ जना क्वारेन्टाइनमा छन्। </p>
<p style="text-align:justify">पछिल्लो एक महीनायता सुदूरपश्चिममा भारतलगायत विभिन्न मुलुकबाट हजारौं जना फर्किएका थिए। यसमध्ये थोरै मात्र क्वारेन्टाइनमा बसेका छन्। </p>
<p style="text-align:justify">आजै मात्र सुदूरपश्चिम प्रदेश सरकारले विदेशबाट फर्किएकालाई <a href="https://www.dekhapadhi.com/news/9875" target="_blank"><span style="color:#c0392b">२१ दिनसम्म</span></a> क्वारेन्टाइनमा राख्न सबै जिल्लाका प्रमुख जिल्ला अधिकारीलाई निर्देशन दिएको छ। </p>
.jpg)
