कोभिड-१९ सन्त्रास : भोजपुर कारागारका तीनजना कैदी रिहा
<p>भोजपुर। कोरोना भाइरस संक्रमणको जोखिमलाई ध्यान दिँदै यहाँको कारागारमा रहेका तीनजना कैदीहरूलाई रिहा गरिएको छ।</p>
<p>एक वर्षभन्दा कम सजाय तोकिएकाहरूलाई छाड्ने निर्णय अनुसार उनीहरूलाई रिहा गरिएको हो।</p>
<p>बहुविवाह मुद्दामा कैद सजाय पाएका उनीहरुलाई बाँकी अवधीको रकम भुक्तान गरेपछि हिजो, २३ चैतमा कैदमुक्त गरिएको कारागार कार्यालय भोजपुरका प्रमुख खगेन्द्र आधिकारीले जानकारी दिए।</p>
<p>कैदमुक्त हुनेमा आमचोक गाउँपालिकाका दुई र हतुवागढी गाउँपालिका बस्ने एकजना छन्।</p>
<p>भोजपुर कारागारमा ९७ पुरुष, १४ महिला र तीन आश्रित नाबालक छन्।</p>
प्रतिक्रिया दिनुहोस्
.jpg)
