कोभिड-१९ सँग जुध्न धरानमा ‘कोभिड-१९ धरान’ मोबाइल एपको सहायता
<p>धरान। धरान उप महानगरपालिकाले कोरोना भाइरस संक्रमणको जोखिम नियन्त्रणमा सहयोग पुर्‍याउन ‘कोभिड-१९ धरान’ नामक मोबाइल एप्लिकेशन शुरू गरेको छ।</p>
<p>कोड आई टी, वि धरान प्रिमियर नेपालसँगको सहकार्यमा उपमहानगरपालिकाले सो एप संचालनमा ल्याएको हो।</p>
<p>तत्काललाई धरान उपमहानगरपालिकाको वेबसाइटबाट डाउनलोड गरी एन्ड्रोइड मोबाइलमा एपको प्रयोग गर्न सकिने उपमेयर मन्जु भण्डारीले बताइन्।</p>
<p>यसलाई गुगल प्लेस्टोरबाट भने केही समयपछि देखि डाउनलोड गर्न सकिने छ।</p>
<p>एपमार्फत् कोभिड-१९ का लक्षणहरू, यससँग सम्बन्धित जिज्ञासा, सावधानिका उपाय, धरान उपमहानगरमा कोभिड-१९ रोकथाम, उपचार र तयारीमा भइरहेका कामको जानकारी लिने सकिने बताइएको छ।</p>
<p>त्यस्तै अत्यावश्यक सेवा दिने निकायसँग पनि यसैबाट सम्पर्क गर्न सकिने व्यवस्था मिलाइएको छ। </p>
<p>आफ्नो घर छिमेकमा भर्खरै विदेशबाट आएका व्यक्ति तथा कोही शंकास्पद लक्षण देखिएका व्यक्तिबारे पनि एपकै सहायताबाट जानकारी दिन सकिने छ।</p>
प्रतिक्रिया दिनुहोस्
.jpg)
