कोभिड-१९ : बेलायती महारानीको दुर्लभ सम्बोधन
<p>लन्डन। कोभिड-१९ को बढ्दो विश्वव्यापी प्रभावप्रति चिन्ता व्यक्त गर्दै बेलायतकी महारानी एलिजाबेथले टेलिभिजनमार्फत देशवासीका नाममा सम्बोधन गरेकी छन्।</p>
<p>बीबीसीका अनुसार बेलायती महारानीको यस्तो सम्बोधन दुर्लभ मानिन्छ। सम्बोधनका क्रममा उनले देश कठिन अवस्थाबाट गुज्रिरहेको बताइन्। अर्थतन्त्रमाथि गम्भीर चुनौति देखापरेको उनको भनाइ थियो।</p>
<p>कोरोना भाइरसको संकटको समयमा देखाइरहेको साहसिक कार्यशैलीप्रति उनले बेलायतका स्वास्थ्यकर्मीहरूको प्रशंसा गरिन्। ‘फ्रन्टलाइनमा स्वास्थ्यकर्मीहरूले देखाएको साहसका कारण स्थिति छिट्टै सामान्य बन्ने आशा छ,’ उनले भनिन्, ‘सबै एकजुट भएर मात्र यस महामारीलाई परास्त गर्न सकिनेछ।’</p>
<p>आगामी दिनमा राम्रो हुँदै जाने तथा साथी र परिवारका सदस्यहरूसँग पूर्ववत् समय व्यतित गर्न पाइने आशा पनि उनले व्यक्त गरिन्।</p>
प्रतिक्रिया दिनुहोस्
.jpg)
