आवागमन नरोकिएपछि बाँकेको नाकामा सुरक्षाकर्मी थपिए
<p>नेपालगंज। कोभिड-१९ को जोखिम बढेपनि सीमामा आवागमन नघटेपछि भारतसँग सीमा जोडिएका बाँकेका साना, ठूला सुरक्षा निगरानी बढाइएको छ।</p>
<p>भारतको बहराइच र श्रावस्ती जिल्लाबाट लुकीछिपी मानिसको आवागमन भइरहेकाले मुख्य सीमानाकासहित सीमावर्ती क्षेत्रमा थप १२० जना सशस्त्र प्रहरी परिचालन गरिएको सशस्त्र प्रहरी बल नम्बर ३० गण बागेश्वरी बाँकेका प्रहरी उपरीक्षक दीपक अधिकारीले बताए।</p>
<p>नाकामा निगरानी बढाउन बाँकेका सबै ६ वटै बोर्डर आउट पोष्ट (बिओपी) मा थप प्रहरी पठाइएको छ।</p>
<p>नरैनापुर गाउँपालिका अन्तर्गतका नरैनापुर, गङ्गापुर, कटकुइँया, डुडुवा गाउँपालिकाको कालाबञ्जार, नेपालगंजको जयसपुर र जानकी गाउँपालिकाको बढैया बिओपीसहित खडैँचा र बढैया बिओपीको पानीट्याङ्कीस्थित फरवार्ड बेश क्याम्पमा सशस्त्र प्रहरीको थप टोली पठाइएको अधिकारीले जानकारी दिए।</p>
<p>प्रहरीको संख्या थपिएसँगै अब एक/ एक किलोमिटरमा प्रहरी बसेर लुकीछिपी आउनेलाई भारतमै फर्काइने छ। <em>रासस</em></p>
प्रतिक्रिया दिनुहोस्
.jpg)
