कोभिड-१९ : पानीजहाजविरुद्ध आपराधिक मुद्दा !
<p>सिड्नी। अस्ट्रेलियाले एक पानीजहाजविरुद्ध आपराधिक मुद्दामा अनुसन्धान अगाडि बढाउने घोषणा गरेको छ। </p>
<p>‘रबी प्रिन्सेस’ नामक पानीजहाजमा मृत्यु भएका १० जनाको शरीरमा कोरोना भाइरस पोजिटिभ देखिएपछि सरकारको उक्त घोषणा आएको हो।</p>
<p>फ्लुको जस्तो लक्षण देखिएका बिरामी यात्रीलाई जहाजमा यात्रा गर्न कसरी दिइयो भन्नेमा अनुसन्धान अगाडि बढाइएको अधिकारीहरूले बताएका छन्।</p>
<p>उक्त पानीजहाजमा ६ सयभन्दा बढी यात्री सवार थिए। तीमध्ये १० जनाको यात्राकै क्रममा मृत्यु भएको थियो। मृतकहरूको शव परीक्षण गर्दा कोरोना भाइरस संक्रमण पोजिटिभ पाइएको थियो।</p>
<p>बीबीसीका अनुसार यसबाट ‘राष्‍ट्रिय बायो सुरक्षा कानून’ उल्लंघन भएको पाइएको साउथवेल्स प्रहरीले जनाएको छ।</p>
<p>अस्ट्रेलियामा हालसम्म पाँच हजार पाँच सय ४८ जनामा कोरोना भाइरस संक्रमण देखिएको छ भने ३० जनाको मृत्यु भइसकेको छ।</p>
<p>उक्त पानीजहाज अमेरिकाको क्यालिफोर्नियामा मुख्यालय रहेको कार्निभल कर्पोरेसनको क्रुज लाइन कम्पनी प्रिन्सेस क्रुजेजले सञ्‍चालन गर्दै आएको छ।</p>
प्रतिक्रिया दिनुहोस्
.jpg)
