कैलालीका संक्रमित युवासँगै आएका प्युठानका तीनजना क्वारेन्टाइनमा
<p>प्युठान। कैलालीका कोरोना भाइरस संक्रमित युवासँगै आएका तीनजना युवाको पहिचान भएको छ।</p>
<p>संक्रमित युवासँगै भारतबाट आएका उनीहरू प्युठानका हुन्।</p>
<p>जिल्ला प्रहरी प्रमुख नरेन्द्रकुमार कार्कीले पहिचान भएकाहरू माण्डवी गाउँपालिकाका, ऐरावती गाउँपालिका र मल्लरानी गाउँपालिकाका एक/एक जना रहेको जानकारी दिए।</p>
<p>अहिले तीनैजनालाई क्वारेनटाइनमा राखी स्वास्थ्य परीक्षण शुरू भएको स्वास्थ्य कार्यालय प्यूठानका प्रमुख विशाल सुवेदीले बताए। <em>रासस</em></p>
प्रतिक्रिया दिनुहोस्
.jpg)
