कोभिड-१९ : आयरल्यान्डका प्रधानमन्त्री फर्किए मेडिकल अभ्यासमा
<p>डब्लिन। कोरोना भाइरसको संक्रमण तीव्र बन्दै जाँदा आयरल्यान्डका प्रधानमन्त्री लियो भरटकारले आफ्नो पुरानो व्यवसाय मेडिकल प्राक्टिसनरलाई पुनः दर्ता गरेका छन्।</p>
<p>कोभिड-१९ विरुद्धको लडाईंमा सहयोग गर्न उनले पुरानो पेशा शुरु गर्ने निर्णय लिएको प्रधानमन्त्री कार्यालयले जनाएको छ।</p>
<p>समाचार एजेन्सी रोयटर्का अनुसार राजनीतिमा सामेल हुनुअघि प्रधानमन्त्री भरटकारले सात वर्ष चिकित्सकका रूपमा बिताएका थिए। राजनीतिमा लागेर पेशा त्यागेपछि उनको मेडिकल प्राक्टिसनरको दर्ता सन् २०१३ मा खारेज भएको थियो।</p>
<p>आयरल्यान्डको मेडिकल रजिस्टरमा उनी मार्च २०२० देखि पुनः पुरानो व्यवसायमा फर्केको अभिलेख बनेको छ। र, देशको स्वास्थ्य सेवा कार्यकारीका रूपमा साताको एक समय बिरामीको उपचारमा उनी खटिने छन्।</p>
<p>प्रधानमन्त्री भरटकारको परिवारका धेरै सदस्य र साथीहरू मेडिकल फिल्डमै छन्। स्वास्थ्यमन्त्री सिमोन ह्यारिसले कोरोना भाइरसविरुद्धको लडाईंमा पर्याप्त जनशक्ति उपलब्ध गराउन आयरल्यान्डमा स्वास्थ्य सेवामा कर्मचारी भर्नालाई व्यापक बनाएका थिए। अभियानको नारा दिइएको छ- ‘देशलाई तपाईंको आवश्यकता छ।’</p>
प्रतिक्रिया दिनुहोस्
.jpg)
