.jpg)
कोभिड-१९ बारे थप रणनीति तय गर्न मन्त्रिपरिषद् बैठक बस्दै, लकडाउन लम्ब्याउने तयारी
<p>काठमाडौं। कोभिड-१९ को रोकथाम र नियन्त्रणका लागि थप रणनीति बनाउन मन्त्रिपरिषद्को बैठक बस्दैछ। </p>
<p>प्रधानमन्त्री निवास बालुवाटारमा दिउँसो २ बजे बस्ने बैठकमा कोभिड-१९ को अहिलेको अवस्था र अब अपनाउनुपर्ने सजगतालगायत विषयमा छलफल हुने प्रधानमन्त्रीका प्रेस सल्लाहकार सूर्य थापाले जानकारी दिए।</p>
<p>आजको मन्त्रिपरिषद् बैठक संक्रमण फैलन नदिन लकडाउनको अवस्था, रोकथाम र उपचारका लागि भइरहेका तयारी तथा सरकारको आगामी कार्ययोजनामा केन्द्रित हुने स्रोतले जानकारी दियो।</p>
<p>आजको बैठकले नै लकडाउन लम्बाउने कि के गर्ने भन्‍ने विषयमा पनि निर्णय गर्नेछ। बालुवाटार स्रोतका अनुसार जनस्तरबाटै लकडाउन अझै केही दिन लम्बाउनुपर्ने आवाज उठेकाले सरकारले अझै केही दिन थप्‍न सक्नेछ। </p>
<p>२२ चैतको बैठकले एक प्रदेशदेखि अर्को, एक जिल्लाबाट अर्को र एक स्थानीय तहदेखि अर्को स्थानीय तहसम्मको आवागमनमा नियन्त्रण गर्ने निर्णय गरेको थियो। </p>
<p>सुदूरपश्‍चिम प्रदेश सरकारको हिजो बसेको मन्त्रिपरिषद्को बैठकले पनि लक डाउन लम्बाउन केन्द्र सरकारलाई सिफारिस गर्ने निर्णय गरेको थियो। </p>
<p>उपप्रधान तथा रक्षामन्त्री ईश्‍वर पोखरेलको संयोजकत्वमा गठित उच्चस्तरीय समितिले गरिरहेको कामका बारेमा पनि आजको मन्त्रिपरिषद् बैठकमा छलफल हुनेछ।</p>
<p>यसअघि १६ चैतमा बसेको मन्त्रिपरिषद् बैठकले लकडाउनको अवधि थप गरेर २५ चैतसम्म लम्ब्याउने निर्णय गरेको थियो।</p>
प्रतिक्रिया दिनुहोस्
.jpg)
