काेभिड-१९ बाट निकाे भएर घर फर्किइन् कनिका
<p>काठमाडाैं। कोरोना भाइरसबाट संक्रमित भारतीय गायिका कनिका कपुर अस्पतालबाट आज डिस्चार्ज भएकी छन्।</p>
<p>लखनउको एसजीपीजीआई अस्पतालमा दुई सातादेखि उपचार गरिरहेकी कनिकाको सातौंपटकको रिपोर्ट पनि नेगेटिभ आएपछि डिस्चार्ज भएकी हुन्।</p>
<p>यसअघि छैटौं रिपोर्ट पनि नेभेटिभ आएकाे थियाे।</p>
<p>अस्पतालले उनलाई १४ दिनसम्म घरमै सेल्फ क्वारेन्टाइनमा बस्न सुझाव दिएको छ।</p>
<p>९ मार्चमा लण्डनबाट फर्किएकी गायिका कपुरलाई कोरोना भाइरसको संक्रमण भएपछि ७ चैतमा लखनऊको संजय गांधी पीजीआई अस्पतालमा भर्ना गरिएको थियो। कनिका आफैंले कोरोना भाइरसबाट संक्रमित भएको जानकारी गराएकी थिइन्।</p>
<p>लण्डनबाट फर्किने क्रममा एअरपोर्टमा थर्मल स्क्रिनिङ गर्दा उनलाई कोभिड-१९ को लक्षण देखिएको थिएन।</p>
<p>लण्डनबाट फर्किएपछि उनी लखनउका धेरै पार्टीमा सहभागी भइन्। रुघाखोकी लागेर स्वास्थ्य परीक्षण गराउँदा उनीमा कोभिड-१९ पोजिटिभ देखिएको थियो।</p>
प्रतिक्रिया दिनुहोस्
.jpg)
