प्रदेश १: आइसोलेसनमा रहेका १५ मध्ये ११ जना डिस्चार्ज
<p>विराटनगर। कोरोना भाइरस संक्रमणको आशंकामा प्रदेश १ को आइसोलेसनमा उपचार गराइरहेकामध्ये ११ जना डिस्चार्ज भएका छन्। डिस्चार्ज हुनेमा पाँचजना महिला र ६ जना पुरुष छन्।</p>
<p>मुख्यमन्त्री तथा मन्त्रिपरिषद् कार्यालय प्रदेश १ का अनुसार आइसोलेसनमा आजसम्म १५ जनालाई राखिएको थियो।</p>
<p>यस प्रदेशमा ४३८ वटा आइसोलेसन बेड छन्। यसैगरी ४ हजार ३७ वटा क्वारेन्टाइन बेड तयार छ।</p>
<p>४४ आईसीयू बेड तयारी अवस्थामा राखिएको छ। प्रदेशस्तरीय कोरोना सूचना डेस्कका अनुसार क्वारेन्टाइनमा कूल ६१० जनालाई राखिएको छ। त्यसमा ५६६ जना पुरुष छन्।</p>
<p>५३८ जना महिला र दुई हजार ८४७ जना पुरुष होम क्वारेन्टाइनमा बसेका छन्।</p>
<p>यस प्रदेशबाट अहिलेसम्म ८५ जनाको थ्रोट स्वाबको नमूना संकलन गरिएको छ। तीमध्ये ६९ जनाको परीक्षण रिपोर्ट नेगेटिभ आएको छ।</p>
<p>बाँकीको परीक्षण भइरहेको छ।</p>
<p>प्रदेश १ मा धरानस्थित बीपी कोइराला स्वास्थ्य विज्ञान प्रतिष्‍ठानबाट कोभिड-१९ को परीक्षण भइरहेको छ।</p>
प्रतिक्रिया दिनुहोस्
.jpg)
