कोभिड-१९ देखिएका बेलायती प्रधानमन्त्री आईसीयूमा
<p>काठमाडौं। कोरोना भाइरस संक्रमणका कारण अस्पताल भर्ना गरिएका ब्रिटिश प्रधानमन्त्री बोरिस जोनसनलाई स्वास्थ्य बिग्रिएपछि सघन उपचार कक्ष (आईसीयू) मा सारिएको छ ।</p>
<p>कोभिड-१९ देखिएपछि उनी स्व-एकान्तवासमा बस्दै आएका थिए।</p>
<p>प्रधानमन्त्री जोनसनलाई दुईदिनअघि लण्डनस्थित सेन्ट टोमस अस्पतालमा भर्ना गरिएको थियो। उनलाई हिजो दिउँसोदेखि अक्सिजन दिन थालिएको थियो।</p>
<p>हिजो (सोमबार) बेलुकादेखि उनको स्वास्थ्य अवस्था बिग्रिएको अन्तर्राष्‍ट्रिय संचारमाध्यमहरूले जनाएका छन्।</p>
<p>प्रमुख विपक्षी लेबर पार्टीका नवनिर्वाचित नेता कियर स्टार्मरले यो अत्यन्तै दुखको समाचार भएको बताएका छन्।</p>
<p>यो कठिन समयमा सिंगै देश प्रधानमन्त्री र उनको परिवारको साथमा रहेको उनले बताएका छन्।</p>
प्रतिक्रिया दिनुहोस्
.jpg)
