नेकपा सचिवालय बैठक अपरान्ह ४ बजे बस्ने
<p>काठमाडौं। सत्तारुढ नेपाल कम्युनिष्ट पार्टी (नेकपा) को सचिवालय बैठक आज बोलाइएको छ।</p>
<p>अपरान्ह ४ बजे प्रधानमन्त्री निवास बालुवाटारमा बैठक तय भएको नेकपाका प्रचार विभाग उपप्रमुख सूर्य थापाले <em>देखापढी</em>लाई बताए।</p>
<p>विश्वव्यापी महामारी बनेको कोभिड-१९ रोकथाम, उपचारमा भइरहेको कामको समीक्षा गर्दै भावी रणनितिको लागि सरकारलाई सुझाव दिने साथै पार्टीको कार्ययोजनासमेत बैठकको मुख्य अजेण्डा रहेको बताइएको छ।</p>
<p>लकडाउनयता नेकपाको सचिवालय बैठक बसेको छैन। प्रवक्ता नारायणकाजी श्रेष्‍ठलगायत केही नेताले सचिवालय बैठक बोलाउनुपर्नेमा जोड दिँदै आएका थिए।</p>
प्रतिक्रिया दिनुहोस्
.jpg)
