प्रधानमन्त्री ओलीले आज ११ बजे राष्ट्रका नाममा सम्बोधन गर्दै
<p>काठमाडौं। प्रधानमन्त्री केपी शर्मा ओलीले आज राष्ट्रका नाममा सम्बोधन गर्ने भएका छन्।</p>
<p>उनले कोभिड-१९ संक्रमण रोकथाम, नियन्त्रण र उपचारमा सरकारले गरेको काम र अबको योजनासहित सम्बोधन गर्न लागेको सचिवालयले जानकारी दिएको छ।</p>
<p>प्रधानमन्त्रीका प्रेस सल्लाहाकार सूर्य थापाका अनुसार प्रधानमन्त्रीले बिहान ११ बजे सम्बोधन गर्ने कार्यक्रम तय भएको छ।</p>
<p>सम्बोधनका क्रममा कोभिड-१९ सँग जुध्न गरिएका पछिल्ला प्रयासको बारेमा समेत प्रष्ट पार्ने जनाइएको छ। यसअघि प्रधानमन्त्रीले १० चैतमा सम्बोधन गरेका थिए।</p>
<p>हिजो बसेको मन्त्रिपरिषद्को बैठकले लकडाउन ३ बैशाखसम्म निरन्तरता दिने निर्णय गरेपछि प्रधानमन्त्रीले सम्बोधन गर्न लागेका हुन्।</p>
<p>सम्बोधन नेपाल टेलिभिजनबाट प्रत्यक्ष प्रशारण गरिने छ।</p>
प्रतिक्रिया दिनुहोस्
.jpg)
